Programa Estudante

Estudante Peskizadór sira

Program Peskiza Timor-Leste hosi Globalism Research Centre no Global Cities Institute oferese supervizaun ba estudante sira ne’ebé hakarak hala’o peskiza ho distinsaun no pozgraduadu kona-ba Timor-Leste, liuliu ho relasaun ba tema sira ne’ebé deskreve iha Ami-nia Peskiza. Futuru estudante sira hetan enkorajamentu atu kontakta Dr. Damian Grenfell kona-ba supervizaun nia opsaun sira.

Estudante sira iha nivel lisensiatura hetan oportunidade atu aprende kona-ba Timor-Leste no envolve an iha Programa Peskiza Timor-Leste nia atividade sira ho komunidade, porezemplu liuhosi palestra, estájiu, projetu internasionál peskiza nian no organiza konferénsia.

Iha tinan 2007 estudante Estudu Internasionál nian sira hosi Universidade RMIT hetan bolsa viajen no estudu ho distinsaun rua. Bolsa-estudu sira ne’e elabora hodi hafó oportunidade ba estudante sira atu inkorpora peskiza internasionál iha kampu iha Timor-Leste hodi tutan ba sira-nia teze ho distinsaun. Hosi momentu ne’e, estudante sira ho distinsaun ne’ebé hakarak konsentra sira-nia teze ba Timor-Leste partisipa beibeik ba servisu iha kampu iha Timor-Leste, hodi nune’e manán esperiénsia reál importante nu’udar parte ba sira-nia aprendizajen universitária jerál.


Estájiu no Estudu iha Kampu

Timor Leste Study Tour: The Peace-Security-Development Nexus in Timor-Leste (2011)

Durante fulan Juñu no Jullu 2011, estudante sira hosi Global Studies iha Universidade RMIT hala’o Vizita Estudu ida ne’ebé halibur hanoin teóriku no konseituál kona-ba natureza relasaun nian entre estudu kona-ba dezenvolvimentu, harii dame no seguransa. Tutan ba programa peskiza sira ne’ebé pesoál GSSSP hala’o tiha ona iha Timor-Leste durante tinan 8, grupu estudante ne’e halo vizita ba organizasaun oioin ne’ebé relevante ba kursu nia tema sira, hosi Misaun ONU to’o Australian Defense Force, AusAid no Irish Aid, Komisaun Verdade no Rekonsiliasaun no mós grupu dezenvolvimentu komunitáriu lokál oioin iha área rurál sira, no mós ONG sira hanesan Caritas, Oxfam no Fundasaun Alola. Grupu ne’e hela iha kapitál Dili maibé sira hala’o vizita ba komunidade sira iha Baukau, Venilale no Lospalos, hodi aprende ho ema sira ne’ebé servisu iha área estratéjia ne’ebé uza ba dezenvolvimentu, harii dame no seguransa hafoin violénsia ho eskala boot. Aleinde vizita formál ba instituisaun sira, estudante sira hasoru mós ho timoroan barak iha situasaun ka sirkunstánsia oioin; ko’alia kona-ba projetu lokál sira, iha merkadu, han hamutuk iha ema sira-nia uma no hasoru grupu estudante timoroan sira. Esperiénsia hirak ne’e sai parte importante ida ba estudante sira-nia aprendizajen, liuliu hodi fó kontestu ba kursu nia aspetu teóriku sira.


Internships

Hori tinan 2003 estudante sira ne’ebé halo traballu lisensiatura no pozgraduadu nian envolve an iha ho maneira oioin liuhosi hala’o servisu estájiu ho Programa Peskiza Timor-Leste, kompleta servisu badak ba teze ka estudu iha kampu ho supervizaun hosi pesoál sira ne’ebé envolvidu iha programa. Servisu ne’e hafó esperiénsia oioin ba estudante sira, hosi avaliasaun akadémika formál to’o servisu iha konferénsia sira iha Melburne no Dili, no mós hala’o vizita ba aldeia remota sira iha Timor-Leste.

 

Fila ba Peskiza