Sponsors

Matadalan ba Malu nu’udar programa ida-ne’ebé hetan fundus husi komunidade. Obrigadu barak ba aopiu jenerozu husi REW, Matadalan Ba Malu konsege oferese numeru kiik ba kolokasaun matrikula gratuita tinan-tinan ba kandidatu sira ne’ebé suksesu. Maibe, kustu ba programa ne’e bo’ot liu komponente matrikula (ez. Kustu aviaun, pasaporte no visa, asuransia mediku, hahan no akomodasaun, no buat seluk tan). Ho ida-ne’e Matadalan ba Malu buka hakarak dezenvolve relasaun ho doadores, oragaun ba angariasaun fundu, organizasaun ne’ebé iha interese atu dezenvolve abilidade lingua ba feto Timor no ba sira ne’ebé bele fó asisténsia organizasional no finansial adisional ba aplikante sira ne’ebé suksesu

Komunidade, grupo relijiozu, negosiante, organizasaun sira seluk no ema barak mak fó apoiu finansial, nune’e mos akomodasaun no formas apoiu sira seluk hori 2005. Ami orgulho tamba organizasaun barak mak apoia programa ne’e, ho tulun ida-ne’e azuda ona feto Timor no habelar koñesimentu husi programa ne’e no ninia objetivu. Organizasaun balu alista iha ne’e, ami hakarak hato’o obrigadu barak ba sira nia apoiu no ami hein nafatin ba sira seluk atu mai tutan iha lista ida-ne’e!