Vota Ba Futuru: Votante sira-nia percepsaun hosi Dili no Venilale. 
 

Hari'i iha ne’e ba relatóriu finál projetu nian no lia-Inglés.

Vota ba Futuru: Eleisaun Presidensiál no Parlamentár 2007

Durasaun: 2007.
Ekipa Peskiza: Dr Damian Grenfell, Mayra Walsh no Kym Holthouse.
Finansiamentu: The Globalism Institute, RMIT University.

Eleisaun Presidensiál no Parlamentár iha Timor-Leste iha tinan 2007 hafó oportunidade ida ba peskiza kona-ba votante Timoroan sira-nia intensaun. Objetivu hosi projetu ida-ne’e la’ós atu buka-hatene sé maka vota ba partidu ida-ne’ebé, no la’ós teste ida ba sidadaun sira-nia koñesimentu. Maibé, peskiza ne’e hala’o nu’udar tentativa ida hodi komprende oinsá maka ema konsidera sidadania iha Timor-Leste; oinsá maka ema halo desizaun polítika, oinsá maka sira buka hetan asesu ba informasaun kona-ba partidu oioin sira no prosesu polítiku iha maneira jerál, no maneira oinsá mak ema sira haree ba prosesu eleisaun demokrátika nu’udar buat ida pozitivu.

Projetu peskiza ida-ne’e hahú ho entrevista ho baze ba levantament ida ne’ebé hala’o ba seksaun transversál ida hosi Dili nia populasaun durante loron hirak molok votasaun daruak ba eleisaun Presidensiál. Métodu entrevista ho baze ba levantamentu badak ida-ne’e hatutan tiha ho konjuntu limitadu entrevista klean no semi-estruturadu. Prosesu hanesan ida ne’ebé uza hodi hala’o entrevista semi-estruturadu no ho baze ba levantamentu repete filafali iha loron hirak molok eleisaun Parlamentár, no peskiza fatin muda tiha fali bá Venilale iha distritu Baukau.

Iha espetativa katak maski estudu ki’ikoan ida, Vota ba Futuru sei permite debate krítiku liután kona-ba natureza demokrasia Timor-Leste nian. 

Fila ba Projetu Peskiza