Dimensaun Ekonómika konaba Violénsia Doméstika
Servisu iha fatin sira iha Baukau, Cova-Lima no Dili, projetu ida-ne’e hetan fundus husi Fundasaun Ázia (TAF) liu husi ninia Programa Nabilan- buka atu deskobre elementu ekonómika nebe liga ba violénsia doméstika, no analyza nuansa situasaun ekonómika ba feto sira ne’ebé hetan abuzu violénsia iha Timor-Leste. Ida-ne’e inklui identifikasaun ba fatóres sosio-ekonómika ne’ebé fó impaktu ba feto sira nia desizaun hodi hili atu hela nafatin ka husik relasaun violentu, ezaminasaun ida ba ekonomia kaben nain sira iha Timor-Leste, no iha sorin seluk konaba impaktu pratika husi hari uma kain no fahe malu. Peskiza ne’e ho klaru identifika ona katak dimensoens ekonómika ba violénsia doméstika la ses husi presaun sosial sira seluk, obrigasaun no dalan korta sira. Ho ida-ne’e mesmu ke peskiza ida-ne’e foka liu ba aspeitu oioin konaba ekonomia no violénsia ne’ebé namkait ba malu, peskiza ne’e mos buka nafatin tau hamutuk fatóres bo’ot sira seluk atu azuda hodi kompriende desizaun ne’ebé feto sira foti. Universidade RMIT ninia programa peskiza iha Timor-Leste fó input ba projetu ida-ne’e, implementa husi Grupo Hametin, ne’ebé foka liu ba dezeña, metodu no analyzasaun peskiza.
Hare relatorio projetu ho Titlu Beyond Fragility and Equity: Women's Experiences of the Economic Dimensions of Domestic Violence no informasaun barak liu tan konaba programa Nabilan.